Кемнәргә кура җиләге ашарга ярамый?

Табиб-диетолог Ольга Кораблева сүзләренчә, ябыга торган кешеләргә кура җиләге ашарга ярамый. Бу турыда РИА Новости язды.

Табиб сүзләренчә, олы кеше көненә 400 грамм кура җиләге ашый ала. Ләкин ашказаны-эчәклек тракты авырулары, мәсәлән, гастриты яки язвасы булган кешеләргә кура җиләге ашамау хәерле.

Шулай ук бөерләре авырткан кешеләргә кура җиләге ашамый торырга кирәк, чөнки кура җиләге сидек кудыргыч булып тора.

Кура җиләге бик көчле аллерген, җир җиләгенә аллергиясе булган кешеләргә кура җиләген ашаганда сак булырга кирәк, ди табиб.

Өстәвенә, кура җиләге аппетитны арттыра.

 Чыганак: https://intertat.tatar/news/questions_answers/28-06-2021/kemn-rg-kura-il-ge-asharga-yaramyy-5827743